Tērā ia ngā wai o te Rotoiti e rongo nei i te whakahīhī.
I te hari me te koa, i te tai mihi aroha ka tāwharauhia ki runga ki a koe Ngaroma!
Mōu kua eke nei ki pae angitū, hei Kaiwhakawā ki te Kōti-ā-rohe ki Manukau tonu.
Nā reira e topa e tiu ōu parirau i te Rotoiti, ki Te Mānukanuka-a-Hotunui
Ki te paepae-nui e tatari ana ki a koe, e tatari ana ki tō ngākau-atawhai,
tō ngākau-hūmarie, ki tāu kupu whakatau.
Ko Mihi, ko Aroha, ko Whakahīhī e tau nei ki a koe.
Ko Horipū, ko Ūpoko-pakaru, ko Manaaki āu hoa haere i tēnei ara
Whakanuia Te Arawa Māngai Nui.
Whakanuia Hinekura-manaaki-rau!
Attorney General’s announcement – District Court Judges appointed | Beehive.govt.nz
